U Biełarusi žančynam, jakija atrymlivajuć ščodryja padarunki ad svaich žanichoŭ, pryjdziecca zapłacić padatak, bo ŭ adpaviednaści z zakanadaŭstvam žanich nie źjaŭlajecca mužam abo blizkim svajakom.
Ale razam z tym u 2015 hodzie padatak treba vypłacić, tolki kali ŭ sumie padarunki pieravysiać 43,66 młn rubloŭ na praciahu hoda. Padatak budzie płacicca z sumy, jakaja pieravyšaje 43,66 młn.
Pra heta zajaviŭ načalnik upraŭleńnia padatkaabkładańnia hramadzian, dekłaravańnia dachodaŭ i majomaści MPZ Andrej Kavaleŭski.
Jon nahadaŭ, što padatkovy orhan maje prava zapytać u hramadzianina, u jakoha zapatrabavanaja dekłaracyja ab dachodach i majomaści, piśmovyja tłumačeńni ab krynicach dachodaŭ, za košt jakich nabytaja majomaść i (abo) paniesienyja inšyja vydatki, heta značyć infarmacyju ab asobie, ad jakoj atrymany prybytak, datu atrymańnia dachodu i jaho pamier. Heta datyčycca, pa słovach pradstaŭnika MPZ, i dachodaŭ, atrymanych maładymi na viasielli.
