Reštki mužčyny znajšli jašče ŭ krasaviku, ale vyśvietlić asobu zahinułaha tak i nie ŭdałosia.
Škilet znajšli ŭ 300 mietrach ad raki Pcič u zaraśnikach chmyźniaka, u 1,5 kiłamietrach ad vioski Pcič Pietrykaŭskaha rajona. Zhodna z zaklučeńniem ekśpiertyzy, pareštki pralažali ŭ dadzienym miescy kala hoda. Prykmiety: rost 180-185 sm, vałasy majuć rudaje adcieńnie. Na trupie miełasia adzieńnie: kamuflažnaja rybackaja kurtka i štany zialonaha koleru, kašula ŭ sinie-biełuju pałosku (cialniaška), kalsony śvietłaha koleru, na nahach čaraviki bežavaha koleru na šnurkach, 43 pamieru, škarpetki čornaha koleru, trusy čornaha koleru.
Pry sabie mielisia rečy: zaplečnik zialonaha koleru, 2 palaŭničyja nažy, kancylarski nož, lichtaryk z elektrašokieram u korpusie čornaha koleru.
Kali vam niešta viadoma ci jość jakija-niebudź zdahadki pa hetym fakcie, milicyja prosić paviedamić pra heta va ŭpraŭleńnie kryminalnaha vyšuku UUS Homielskaha abłvykankama: kantaktnyja telefony: 8-0232-704-128, 8-0232-704-062 abo 102.
