Rasijskija studenty, jakija vučacca ŭ Turcyi pa abmienie, buduć viernutyja ŭ Rasiju, paviedamiła pres-słužba rasijskaha ministerstva adukacyi. U viedamstvie ŭdakładnili, što studentaŭ adpraviać dadomu ŭ «maksimalna karotkija terminy».
Pavodle dadzienych ministerstva, u Turcyi ciapier znachodzicca mienš za 100 rasijskich studentaŭ.
Napiaredadni stała viadoma, što ŭłady nakiravali rasijskim univiersitetam list ab nieabchodnaści spynić supracoŭnictva z tureckimi navučalnymi ŭstanovami. U im taksama paviedamlałasia pra admienu ŭžo zapłanavanych pajezdak vykładčykaŭ i studentaŭ u Turcyju.
U ministerstvie ŭdakładnili, što bolšaja častka z 44 VNU, u jakich jość prahramy abmienu z tureckimi univiersitetami, užo apaviaścili svaich partnioraŭ ab skasavańni albo prypynieńni damovaŭ ab supracoŭnictvie.
Pavodle dadzienych ministerstva, ciapier u rasijskich univiersitetach navučajecca bolš za tysiaču hramadzian Turcyi. Jany zmohuć praciahnuć navučańnie, i nijakich abmiežavańniaŭ u dačynieńni da ich prymacca nie budzie.
«My dali ŭkazańnie ŭsim VNU, kab maksimalna źbierahčy ich ad mahčymych pravakacyj, u pryncypie, jany [pravakacyi] nie vyklučanyja», — zajaŭlaŭ kiraŭnik viedamstva Dźmitryj Livanaŭ.
