Na čyhunačnym vakzale Minsk-Pasažyrski źjavicca šerah novych servisaŭ, paviedamiŭ 1 śniežnia na bryfinhu ŭ Minsku načalnik stancyi Alaksandr Drožža.
Jon adznačyŭ, što ŭ śniežni spaŭniajecca 15 hadoŭ z dnia adkryćcia novaha budynka čyhunačnaha kompleksu. «Šmat zroblena za apošni čas, uviedzieny novyja abjekty, u tym liku dźvie novyja płatformy (sioleta i letaś), adkryłasia zała čakańnia», — adznačyŭ Drožža.
Pavodle jaho słoŭ, na praciahu najbližejšych hadoŭ źjaviacca novyja servisy, častka pamiaškańniaŭ budzie abstalavana dla praviadzieńnia biźnies-sustreč i mierapryjemstvaŭ.
Drožža taksama paviedamiŭ, što novyja płatformy budavacca nie buduć, bo vakzał «ścisnuty miežami horada, usio, što možna było zrabić, zroblena. «Praciahvajecca madernizacyja płatform i naviesaŭ. Taksama ŭ miežach ekśpierymientu stvorana 16 śpiecyjalnych miescaŭ dla kureńnia. Kuryć na astatniaj terytoryi zabaroniena. Dla hramadzian, jakija nie kurać, znachodžańnie na vakzale stanie jašče bolš kamfortnym», — padkreśliŭ načalnik stancyi.
Jon adznačyŭ, što kožny dzień na staličny vakzał prybyvajuć i adpraŭlajucca kala 60 tys. pasažyraŭ. «Ale vakzał — tranzitny šlach ad płoščy Družnaj da Pryvakzalnaj płoščy, tamu pa tunelach stancyi moža prachodzić u sutki ad 350 tys. da 1 młn. pasažyraŭ», — paviedamiŭ Drožža.
Pavodle jaho słoŭ, roŭna piać hadoŭ tamu na vakzale adkryŭsia i servis-centr pavyšanaj kamfortnaści «Kłub SV». «Za piać hadoŭ kłub pryniaŭ bolš za 30 tysiač pasažyraŭ. My tut vykarystoŭvajem sučasnyja formy absłuhoŭvańnia, jość pastajannyja klijenty. Majem tolki stanoŭčyja vodhuki. Pracujem z 7 ranicy da 23 hadzin viečara, heta aptymalny režym. Uzajemadziejničajem ź inšymi haradami i krainami SND, stvorana kłubnaja sistema. Pasažyr, jaki kupiŭ bilet u vahon SV, stanovicca členam kłuba i moža try hadziny znachodzicca ŭ im biaspłatna», — adznačyŭ Drožža. Pavodle jaho słoŭ, pa čaćviarhach i piatnicach pravodziacca viečary žyvoj fartepijannaj muzyki.
