Za 30 kiłamietraŭ ad rajcentra Białyničy (Mahiloŭskaja vobłaść) blizu vioski Zaazierje małady sasońnik schavaŭ tajamničuju miaścinu ź vialikim kryžam i raskidanymi kamianiami. Znaŭcy staradaŭniaj kultury ličać, što heta łandšaftna-abradavy kompleks, pryśviečany bahini Maranie (Mažanie).
Jamu bolš za tysiaču hadoŭ. U cudadziejnaść miaściny niekatoryja vierać i siońnia. Tut pakidajuć abiarehi, prynosiać achviary, prosiać dapamohi i znachodziać supakoj u cišy.
Pry lasnoj hruntovaj darozie la vialikaha kamiennaha kryža pakładziena niekalki jabłyk i bukiet štučnych kvietak.
Za kryžam — zaimšełyja kamiani roznaj formy i pamieraŭ. Zdajecca, što jany paraskidanyja biez anijakaha ładu. Na niekatorych vysiečanyja kryžy i niezrazumiełyja simvały. Kab ubačyć ich, treba uhledziecca.
Kali pierachodziš ad kamienia da kamienia, nie pakidaje nievytłumačalnaje adčuvańnie, niby dakranaješsia da niečaha niezvyčajnaha. Miaścina nie adpuskaje.
Na dumku niekatorych krajaznaŭcaŭ, zaazierskaje kapišča pryśviečana słavianskaj bahini Mažanie — achoŭnicy śvietu pamierłych.
