Sakratar Rady nacyjanalnaj biaśpieki i abarony Alaksandr Turčynaŭ vykazaŭ nadzieju, što daručeńnie ŭradu ŭvieści vizavy režym z Rasijaj budzie vykanana ŭ pačatku 2016 hoda.
«Ja pierakanany, u novym hodzie my pavinny ŭvieści realny i dosyć žorstki vizavy kantrol, vizavy režym z RF», — skazaŭ Turčynaŭ u intervju ŭkrainskamu «5 kanału».
Kiraŭnik RNBA nahadaŭ, što ministerstvu zamiežnych spraŭ krainy było daručana ŭvieści vizavy režym z Rasijaj jašče ŭ 2014 hodzie.
«Užo pieršy etap hetaj zadačy realizavany. Vy viedajecie, na terytoryju Ukrainy hramadzianin Rasii moža patrapić tolki pa zamiežnym pašparcie», — skazaŭ kiraŭnik RNBA.
Razam z tym jon adznačyŭ, što ŭ Rasii ciapier znachodzicca vialikaja kolkaść ukraincaŭ i što ŭ vypadku ŭviadzieńnia vizavaha režymu «adrazu buduć sinchronnyja dziejańni RF». Mienavita z-za hetych dvuch faktaraŭ vizavy režym z Rasijaj da hetaha času nie ŭviedzieny, skazaŭ Turčynaŭ.
