U sudzie Maskoŭskaha rajonu Minska siońnia prachodziać sudy nad naziralnikami ad pravaabarončaha centru «Viasna» i Biełaruskaha Chielsinskaha kamiteta dy ŭdzielnikami akcyi, pryśviečanaj hadavinie refierendumu 1996 hoda.
Sudziać 10 čałaviek: naziralnikaŭ BCHK Natallu Sacunkievič i Siarhieja Kaśpiaroviča, udzielnikaŭ Maksima Viniarskaha, Alaksandra Makajeva, Andreja Davidoviča, Paŭła Sieviarynca, Uładzimira Niaklajeva, Mikołu Statkieviča, Stanisłava Paŭlinkoviča, Antosia Žyłko. Naziralniki byli abaznačanyja śpiecyjalnymi bejdžami, sinimi kamizelkami, trymalisia asobna. Tym nie mienš, milicyjanty paličyli pravaabaroncaŭ udzielnikami akcyi i skłali na ich pratakoły.
U pratakole Natalli Sacunkievič paznačana, što jana kryčała «Žyvie Biełaruś!», Antosiu Žyłko dali štraf u pamiery 20 bazavych. Spravy Natalli Sacunkievič, Siarhieja Kaśpiaroviča i Maksima Viniarskaha adpravili na dapracoŭku. Mikoła Statkievič, Uładzimir Niaklajeŭ nie źjavilisia ŭ sudzie. Aleś Makajeŭ taksama nie pryjšoŭ na sud, bo nie viedaŭ pra jaho.
Padčas akcyi 24 listapada administracyjnyja pratakoły byli składzienyja i na žurnalistaŭ Źmitra Hałko («Novy čas»), Halinu Abakunčyk(«Radyjo Svaboda»), Kaciarynu Andrejevu («Narodnaja vola»). Na nastupny dzień pratakoły, składzienyja na žurnalistaŭ, byli skasavanyja.
