Kitajskija inžyniery z Nańkajskaha ŭniviersiteta razam z kampanijaj Great Wall raspracavali aŭtamabil, jakim možna kiravać siłaj dumki. Pra heta paviedamlaje TechInsider.
Na stvareńnie transpartnaha srodku ŭ raspracoŭnikaŭ pajšło dva hady. Pakul mašyna moža vykonvać tolki niekatoryja funkcyi. Kiroŭca pry dapamozie impulsaŭ hałaŭnoha mozhu moža prymusić aŭto pieramiaščacca napierad i nazad, prytarmažvać i spyniacca, a taksama błakavać i razbłakavać dźviery.
Inžyniery stvarali taki aŭtamabil, kab za rul mahli sieści ludzi, jakija nie mieli raniej takoj mahčymaści, a mienavita invalidy.
Admysłovaja pryłada ŭ aŭtamabili sčytvaje mazhavyja impulsy kiroŭcy i pieradaje ich transpartnamu srodku. U hetaj pryładzie jość 16 datčykaŭ, jakija fiksujuć i rasšyfroŭvajuć elektraencefałahramu čałavieka za rulom.
Asabliva padkreślivajecca, što kiroŭcu treba zachoŭvać maksimalnuju razumovuju kancentracyju, kab vykonvać składanyja manieŭry na darozie.
