Adkryty pryjom prac dla ŭdziełu ŭ piatym konkursie Belarus in Focus 2015. Jak paviedamlaje infarmacyjny ofis Belarus in Focus, u konkursie mohuć udzielničać žurnalisty, jakija pišuć pra Biełaruś u zamiežnych ŚMI.
Spašukalniku nieabchodna na sajcie www.competition2015.belarusinfocus.info zapoŭnić karotkuju ankietu i padać teksty artykułaŭ, jakija byli apublikavanyja z 1 studzienia pa 31 śniežnia 2015 hoda. Zajaŭki možna padavać da 19 studzienia 2016 hady.
U žury konkursu zaprošanyja dacki žurnalist kiraŭnik prajekta MyMedia Majkł Andersan, namieśnik redaktara polskaha štodziońnika Dziennik Gazeta Prawna Michał Patocki, kiraŭnik uschodniejeŭrapiejskaha adździeła brytanskaj haziety The Guardian Džudyt Soał, supracoŭnik centra miedyjaadukacyja BBC Eli Chaŭart, namieśnik staršyni Biełaruskaj asacyjacyi žurnalistaŭ Michaił Jančuk.
Pa try pieramožcy ŭ naminacyjach «prafiesijny žurnalist» i «małady žurnalist» atrymajuć siertyfikaty na 500 i 300 jeŭra adpaviedna na prafiesijnaje raźvićcio (płatnyja adukacyjnyja prahramy pa žurnalistycy, pavyšeńnie kvalifikacyi, kupla techničnaha abstalavańnia).
Dla ŭdzielnikaŭ ź Biełarusi taksama praduhledžanyja śpiecyjalnyja pryzy — stažyroŭka ŭ łondanskim ofisie The Guardian (adzin čałaviek) i naviedvańnie Jeŭraparłamienta ŭ Brusieli (dva čałavieki).
Usie pieramožcy konkursu buduć zaprošanyja na dvuchdzionny majstar-kłas z udziełam členaŭ žury konkursu, mižnarodnych ekśpiertaŭ i žurnalistaŭ, jaki projdzie ŭ Minsku ŭ krasaviku 2016 hoda.
