Stali viadomyja papiarednija vyniki refierendumu nakont dyzajnu dziaržaŭnaha ściaha ŭ Novaj Ziełandyi.
Lidziruje varyjant z srebnaj paparaćciu i čatyrma piacikancovymi čyrvonymi zorkami na čornym i sinim fonie.
Kančatkovy vynik moža jašče źmianicca, kali buduć padličanyja ŭsie biuleteni.
Ciapierašni ściah Novaj Ziełandyi ŭjaŭlaje saboj siniaje pałotnišča z brytanskim «Junijon Džekam» u levaj vierchniaj čverci i čatyrma čyrvonymi zorkami ź biełaj akantoŭkaj ŭ pravaj častcy.
Na dumku premjer-ministra Džona Kieja, hety ściah nie adlustroŭvaje realij sučasnaj Novaj Ziełandyi. Jon taksama skardziŭsia, što ciapierašni ściah lohka pierabłytać ź dziaržaŭnymi simvałami inšych byłych brytanskich kałonij — u pryvatnaści, z aŭstralijskim.
U nastupnym hodzie hramadzianie krainy buduć vybirać pamiž isnujučym ściaham i varyjantam hetaha hoda, jaki pieramoža.
