Baranavicki mižrajonny adździeł Śledčaha kamiteta rasśleduje spravu pavodle č. 4 art. 209 KK (machlarstva, učynienaje paŭtorna, u asabliva bujnym pamiery) u dačynieńni da 29-hadovaha niepracujučaha miascovaha žychara.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, mužčyna z krasavika 2013 hoda pa kastryčnik 2015 hoda braŭ u Baranavičach u hramadzian aŭtamabili ŭ ramont i pradavaŭ pa zanižanaj canie. Ustanoŭlena vosiem epizodaŭ machlarstva. Akramia taho, mužčyna pad roznymi padstavami braŭ u ludziej u doŭh hrošy, nie źbirajučysia viartać.
Ahulnaja suma ŭronu, naniesienaha paciarpiełym, skłała kala 800 młn rubloŭ.
Da mužčyny ŭžyta miera strymańnia ŭ vyhladzie źmiaščeńnia pad vartu, jamu vystaŭlenaje abvinavačańnie.
Raniej jon pryciahvaŭsia da kryminalnaj adkaznaści za machlarstva.
