Elektraciahniki polskaha farmiravańnia pamiž Hrodnam i Biełastokam pierastanuć kursiravać z 13 śniežnia. Pra heta paviedamlajuć polskija ŚMI sa spasyłkaj na ministerstva infrastruktury i raźvićcia svajoj krainy.
Rašeńnie źviazana z abmiežavanym finansavańniem ź biudžetu Polščy ciahnikoŭ mižnarodnych napramkaŭ na 2016 hod.
Z-za admieny ciahnikoŭ čyhunačnyja znosiny pamiž Hrodnam i papularnym siarod biełarusaŭ horadam dla šopinhu faktyčna buduć spynienyja. Ciapier pasažyry zmohuć dabracca tudy tolki na asabistym transparcie, aŭtobusam abo maršrutnymi taksi.
Adnak polskija transpartniki spadziajucca ŭ najbližejšaj budučyni adnavić maršruty, bo ciahniki vykonvajuć «važnuju sacyjalnuju rolu».
Zaraz na sajcie Biełaruskaj čyhunki ŭžo adlustravany źmieny ŭ raskładzie: apošnija rejsy pa maršrutach Hrodna — Ełk i Hrodna — Małkinia adpraviacca 12 śniežnia.
