Navahodnija jołki Minska zaźziajuć śviatočnymi ahniami 15 śniežnia, paviedamiŭ načalnik vytvorčaha adździeła UP «Minharśviatło» Uładlen Čuchin.
Z 15 śniežnia pa 13 studzienia (za vyklučeńniem pieradśviatočnych i śviatočnych dzion) navahodnija jołki buduć zichacieć z momantu ŭklučeńnia načnoha aśviatleńnia da 23.00 i z 6.00 da taho času, pakul nie patuchnuć lichtary. Usiu noč jarkija ahni na zialonych pryhažuniach buduć pryciahvać uvahu 24 i 31 śniežnia, 6 i 13 studzienia. Śviatočnuju iluminacyju 24, 25, 31 śniežnia, a taksama 1 i 13 studzienia ŭklučać paśla 17.00.
Navahodni nastroj stalicy składajecca sa śvietłavych matyvaŭ, jakija ŭžo daŭno ŭstanoŭleny na vulicach, a taksama novych fihur. Hetaj zimoj iluminacyja ŭpieršyniu ŭpryhožyć vulicu Majakoŭskaha ŭzdoŭž Łošyckaha parku i terytoryju kala Kamaroŭskaha rynku. Śviatłodyjodnaje pano sa śviatočnymi vyjavami i navahodnimi vinšavańniami taksama źjaviłasia niedaloka ad budynka cyrka.
Jak i ŭ minułym hodzie, na Kastryčnickaj płoščy napiaredadni navahodnich śviat ustanavili 2 vaśmimietrovyja śvietłavyja šary vahoj amal 750 kh. Na afarmleńnie hihanckich fihur pajšło nie mienš jak 350 m śviatłodyjodnaha dziurałajtu i amal 150 m hirlandaŭ z bolš jak 11 tys. lampačak. Na hety raz kampaniju niezvyčajnym jołačnym upryhažeńniam skłali 3D-šary dyjamietram kala 60 sm, jakija stali śviatočnym uboram dla žalezabietonnych apor na Kastryčnickaj płoščy i płoščy Niezaležnaści.
