Punkt propusku «Novaja Huta» Homielskaj mytni
Zboj u prahramnym zabieśpiačeńni ŭkrainskich mytnikaŭ vyklikaŭ siońnia ciažkaści dla ruchu transpartu praź miažu ź Biełaruśsiu ŭ punktach propusku «Sieńkoŭka» (ź biełaruskaha boku — «Viesiałoŭka») i «Novyja Jaryłavičy» («Novaja Huta»). Pra heta paviedamiŭ pres-sakratar Dziaržaŭnaha pahraničnaha kamiteta Biełarusi Alaksandr Ciščanka.
«Pavodle apošnich źviestak, pačali propusk lehkavych aŭtamabilaŭ praz «Novyja Jaryłavičy». Kali stanie mahčyma prapuskać hruzavy transpart, pakul nieviadoma. My rekamiendujem abjazdžać hetyja punkty propusku i pakul što karystacca inšymi», — skazaŭ Alaksandr Ciščanka.
Biełaruskamu boku nieviadoma, u jakija terminy ŭkrainskija mytniki płanujuć likvidavać techničnyja niepaładki, źviazanyja z prahramnym zabieśpiačeńniem. Dziaržpahrankamitet Biełarusi budzie adsočvać hetuju situacyju.
