Foto AFP
Udzielniki klimatyčnaj kanfierencyi ŭ Paryžy pradstavili kančatkovy prajekt vynikovaha dakumienta.
Na pres-kanfierencyi ministr zamiežnych spraŭ Francyi Łaran Fabius zajaviŭ, što ŭ vypadku pryniaćcia dakumient stanie histaryčnym.
Dakumient praduhledžvaje subsidyju da 2020 hoda krainam, jakija raźvivajucca, 100 młrd dalaraŭ na baraćbu sa škodnymi vykidami ŭ atmaśfieru. Fabius ličyć, što pryniaćcie dakumienta dazvolić istotna skaracić tempy hłabalnaha paciapleńnia.
U pryvatnaści, dakumient stavić pierad dziaržavami usiaho śvietu zadaču strymać da kanca stahodździa paciapleńnie adnosna daindustryjalnaj epochi ŭ miežach 2 abo navat 1,5 hradusaŭ. Na hetym punkcie nastojvali mnohija astraŭnyja dziaržavy.
Tekst vynikovaha dakumienta ŭdałosia ŭzhadnić tolki paśla dvuch tydniaŭ intensiŭnych pieramovaŭ. Ich zaklučnaja siesija zaviaršyłasia ŭ noč na subotu, na 16 hadzin paźniej zapłanavanaha času zakančeńnia kanfierencyi.
Pasiadžeńnie Paryžskaj klimatyčnaj kanfierencyi zaviaršyłasia hłybokaj nočču
Metaj paryžskaha samitu było zaklučeńnie pieršaha ŭ historyi hłabalnaha i abaviazkovaha da vykanańnia pahadnieńnia pa skaračeńni vykidaŭ parnikovych hazaŭ.
U kanfierencyi ŭdzielničali pradstaŭniki 190 krain.
