Foto: autogrodno.by
Vakoł Horadni pabudujuć novuju kalcavuju darohu, jakaja razhruzić centr horada i źviaža dva novyja hustanasielenyja spalnyja rajony. Pra heta raspavioŭ namieśnik staršyni Hrodzienskaha abłvykankama Uładzimir Dziaško, pieradaje BIEŁTA.
Horadnia budzie pašyracca ŭ paŭnočnym i paŭdniovym kirunkach, adznačyŭ Uładzimir Dziaško. Na poŭdni abłasnoha centra praciahniecca budaŭnictva žylla ŭ spalnym rajonie Alšanka: u pierśpiektyvie tut zažyvuć kala 75 tys. hrodziencaŭ. Na praciahu 2016—2017 hadoŭ płanujecca pačać zabudovu i rajona Hrandzičy na 65 tys. žycharoŭ na poŭnačy horada.
Źviaža hetyja dva rajony novaja daroha, jakaja ŭ pierśpiektyvie stanie haradskoj kalcavoj mahistrallu.
Na pieršym etapie vulicu Paŭdniovuju praciahnuć da trasy M6, pryčym, aŭtamabilnym stanie stary čyhunačny most praź Nioman.
U pierśpiektyvie na paŭnočnym zachadzie horada budzie pabudavany jašče adzin aŭtamabilny most praź Nioman. Jon nie tolki dazvolić razhruzić haradskija vulicy, ale i skarocić prabiehi transpartu hrodzienskaha kambinata budaŭničych materyjałaŭ. Siońnia šlach da syravinnaj bazy, jakaja mieścicca za Niomanam, składaje kala 30 km, novy most skarocić hetuju adlehłaść u niekalki razoŭ.
