Prezientacyja novaj knihi Andreja Chadanoviča
23 śniežnia, Minsk, halereja «Ŭ» (Minsk, pr-t Niezaležnaści, 37a).
Pačatak a 20-j.
Viečaryna «Vosiedziasiat chvilin vakoł śvietu: kaladnaje padarožža», u miežach jakoj adbudziecca prezientacyja novaj knihi vieršaŭ «Ciahnik Čykaha-Tokia».
Aŭtar pračytaje novyja vieršy j zaśpiavaje «zamiežnyja» pieśni, pierakłady jakich taksama ŭvajšli ŭ knihu.
Pierad viečarynaj, a 19.30, adbudziecca aŭtohraf-siesija ŭ kniharni ŁohvinaŬ.
«Ciahnik Čykaha-Tokia»— amal kruhaśvietnaje padarožža ŭ tavarystvie miortvych paetaŭ, žyvych prazaikaŭ i pierakładzienych bardaŭ, kalifarnijskich hiejaŭ dy isłandskich hiejzieraŭ, šerych ajoŭskich vaviorak i čyrvonych łatyšskich strałkoŭ. Aŭtar raskaža pra śviaty pracoŭnych amierykancaŭ i budni ajčynnych darmajedaŭ, pakaža, jak hałandskija čypsy pieratvarajucca ŭ dziujmovačku, barsiełonskija hałuby — u papuhajaŭ, a biełaruskija litary –— u hruzinskija. Padarožža pačynajecca ŭ Paryžy, dzie niama 38-ha tralejbusa, i zakančvajecca ŭ Minsku, dzie jon jość. Naprykancy, jak zaŭždy, chepi-end i Kalady.
Malunki — Rajncharda Klajsta.
