Kitajskaja pošukavaja sistema Baidu praz try hady maje namier zładzić palavyja vyprabavańni bieśpiłotnaha aŭtobusa.
Najbujniejšy pošukavik Kitaja Baidu praz try hady pradstavić bieśpiłotny aŭtobus, a praź piać hadoŭ zapuścić jaho ŭ masavuju vytvorčaść, zajaviŭ pradstaŭnik kampanii ahienctvu Reuters. Jon admoviŭsia udakładniać, jakija aŭtavytvorcy udzielničajuć u prajekcie.
U Baidu stvorana śpiecyjalnaje padraździaleńnie pa raspracoŭcy samakiravanych transpartnych srodkaŭ, jakoje ŭ jakaści hienieralnaha mieniedžara ŭznačaliŭ starejšy vice-prezident kampanii Van Czyn.
Baidu taksama płanuje praź piać hadoŭ vypuścić na rynak aŭtanomny pasažyrski aŭtamabil, jaki budzie raspracavany sumiesna z BMW.
Pradstaŭnik kitajskaj kampanii nie staŭ udakładniać abjom inviestycyj, nakiravanych na bieśpiłotnyja transpartnyja srodki.
Reuters nahadvaje, što raniej pra namier stvaryć bieśpiłotny aŭtamabil u partniorstvie z aŭtakampanij SAIC Motor zajaviŭ internet-retejler Alibaba. U ZŠA anałahičnymi raspracoŭkami ŭžo daŭno zajmajucca Google i Apple.
U listapadzie taksama stała viadoma pra prajekty pa stvareńni samakiravanych aŭtamabilaŭ niamieckaha kancerna Volkswagen i šviedskaj kamanii Volvo, jakaja pryciahnuła da raspracoŭki Microsoft. Karejskaja karparacyja Samsung abviaściła ab adkryćci padraździaleńnia, jakoje zojmiecca raspracoŭkaj kampanientaŭ dla bieśpiłotnych mašyn.