Na biełaruskamoŭnych kursach «Mova nanova» kampanija Hvilina pradstaviła biełaruski hadzińnik, vykanany ŭ stylistycy hurta Brutto.
Uładalnik kampanii Andrej Haraŭski raspavioŭ padrabiaźniej pra stylovy hadzińnik.
«Uvieś naš kalektyŭ źjaŭlajecca prychilnikami hurta Brutto, jak i raniej my zachaplalisia Lapisam Trubiackim. My sočym za tvorčaściu našych suajčyńnikaŭ, zaŭsiody byvajem na ich kancertach. U znak padziaki my vyrašyli zrabić hadzińnik z vyjavaj hurta».
«My źviazalisia z hurtom i vynikam našaj sumiesnaj pracy staŭ taki pryhožy hadzińnik. U stvareńni ŭdzielničali jak my, tak i sam hurt. Takim čynam, možna padkreślić svajo pavažlivaje staŭleńnie da tvorčaści Brutto».
«Jon całkam ź nieržaviejučaj stali, tamu jon davoli ciažki, ale pryjemny navobmacak. Maje sapraŭdny kvarcavy japonski miechanizm, vilhacieŭstojlivy, vytrymlivaje 5 atmaśfier i tamu možna nie bajacca za jaho, kali vypadkova patrapić ŭ vadu. Heta vielmi jakasny hadzińnik i my im hanarymsia».
Usiaho budzie kala 300 štuk, a košt budzie składać 2,5 miljony biełaruskich rubloŭ.
Na prezientacyi byŭ adzin z udzielnikaŭ Brutto, šmatrazovy čempijon śvietu pa tajskim boksie i kikboksinhu - Vital Hurkoŭ.
Sam Vital, jak i astatnija ŭdzielniki hurta, z honaram nosić novy hadzińnik.
