Kamitet dziaržaŭnaj biaśpieki Biełarusi sabraŭ infarmacyju ab 58 hramadzianach Biełarusi, jakija biaruć udzieł u bajavych dziejańniach na terytoryi Ukrainy z abodvuch bakoŭ.
Jak paviedamiŭ 18 śniežnia žurnalistam staršynia KDB Valeryj Vakulčyk, usie hetyja ludzi ciapier, pavodle dadzienych pravaachoŭnikaŭ, znachodziacca va Ukrainie.
Adkazvajučy na pytańnie ab tym, ci buduć usie jany zatrymanyja, kali pryjeduć u Biełaruś, kiraŭnik siłavoha viedamstva skazaŭ, što heta budzie vyrašacca ŭ kožnym kankretnym vypadku, paviedamlaje BIEŁTA.
Raniej ministr unutranych spraŭ Biełarusi Ihar Šunievič paviedamlaŭ, što, pavodle dadzienych jaho viedamstva, na Danbasie vajujuć bolš za sto hramadzian Biełarusi. Sabranyja i pieradadzienyja ŭ Śledčy kamitet materyjały na 12 čałaviek.
