U Šviecyi razharajecca skandał praz baraćbu za korpus Handlovaha pradstaŭnictva RF u Šviecyi.
Rasijskija dypłamaty, jakija admaŭlajucca vysialacca paśla rašeńnia suda, pabudavali «barykady», u adkaz ułady horada i novyja ŭładalniki budynka adklučyli im vodazabieśpiačeńnie, pieradaje Radyjo Šviecyja.
sverigesradio.se
Uvajści ŭ dom nichto nie maje prava, pakolki jon maje status dypłamatyčnaj niedatykalnaści.
Paviedamlajecca, što ciapier padjezdy da doma zabarykadavanyja bietonnymi błokami i šyldaj, jakaja abviaščaje, što heta ŭłasnaść pasolstva Rasijskaj fiederacyi, a ŭ budynku niama vady.
Stefan Chehie, advakat i adzin z troch novych uładalnikaŭ budynka, nie moža patrapić u jaho ŭžo bolš za hod. U intervju haziecie Svenska Dagbladet jon zajaviŭ, što, akramia adklučeńnia vady, płanujucca i inšyja dziejańni.
«My jašče pahladzim, ci zmohuć jany zvaryć svaju kaladnuju kašu», — skazaŭ jon žurnalistam, majučy na ŭvazie rasijskich dypłamataŭ, jakija žyvuć u domie i admaŭlajucca jaho pakidać.
Jon adznačyŭ, što, jak uładalnik, jon nie atrymlivaje ni arendnaj płaty ad žycharoŭ, jakija pražyvajuć u domie, ni płaty za vadu i elektryčnaść.
«Ruskija dumajuć, što jany mohuć anieksavać dom», — kaža Stefan Chehie.
U pasolstvie Rasii ŭ Šviecyi incydent kamientavać admovilisia.
«Dom na Lidzinhio» — siamipaviarchovy šmatkvaterny dom, budynak handlovaha pradstaŭnictva RF na prestyžnym vostravie Lidzinhio, kamunie-spadarožniku šviedskaj stalicy, byŭ pradadzieny z aŭkcyjonu ŭ pačatku 2014 hoda z-za daŭhoŭ Rasii pierad biznesmenam Francam Zedelmajeram, jaki patrabavaŭ ad krainy kala 5 młn jeŭra kampiensacyi stračanych inviestycyj.
Raniej ŚMI paviedamlali, što viarchoŭny sud Šviecyi pastanaviŭ ŭ lipieni 2011 hoda, što dypłamatyčnaja nieruchomaść Rasii ŭ Šviecyi moža być aryštavanaja i pradadzienaja z aŭkcyjonu.
Ahulnaja suma doŭhu składaje, pa dadzienych Sveriges Radio, 41 młn kron.
