globallookpress.com/Marcus Brandt/DPA
Prezident Mižnarodnaj fiederacyi futboła (FIFA) Jozef Błater i kiraŭnik Sajuza jeŭrapiejskich futbolnych asacyjacyj (UEFA) Mišel Płacini adchilenyja ad futbolnaj dziejnaści na 8 hadoŭ. Pra heta paviedamlaje pres-słužba FIFA.
Kamitet FIFA pa etycy abviaściŭ, što zapeŭnieńnie Błatera pra najaŭnaść vusnaha pahadnieńnia pa płaciažy Płacini było niepierakanaŭčym i jano było adchilena arbitražnaj pałataj.
Błater i Płacini zaraz majuć prava padać apielacyju ŭ Spartyŭny arbitražny sud (CAS).
U pačatku kastryčnika kamitet pa etycy FIFA ŭ ramkach rasśledavańnia pryniaŭ rašeńnie pra adchileńnie prezidenta FIFA Jozefa Błatera i Płacini ad zajmanych imi pasad i luboj futbolnaj dziejnaści na 90 dzion z mahčymaściu padaŭžeńnia dyskvalifikacyi, ale nie bolš čym na 45 dzion. Padstavaj dla hetaha rašeńnia staŭ pieravod Błateram płaciažu ŭ pamiery 2 młn šviejcarskich frankaŭ sa srodkaŭ FIFA na rachunki Płacini ŭ 2011 hodzie.
Za niekalki hadzin da abviaščeńnia rašeńnia kamiteta pa etycy ab adchileńni Płacini padaŭ zajaŭku na ŭdzieł u vybarach prezidenta FIFA, jakija zapłanavany na 26 lutaha 2016 hoda. Paźniej vybarkam patłumačyŭ, što nie budzie razhladać kandydaturu francuza da źniaćcia ŭsich sankcyj.
***
Najbujniejšy ŭ historyi FIFA skandał razhareŭsia ŭ kancy maja, kali ŭ hateli ŭ Ciurychu za dva dni da vybaraŭ prezidenta arhanizacyi pa zapycie amierykanskaha pravasudździa šviejcarskaja palicyja zatrymała siem vysokapastaŭlenych čynoŭnikaŭ arhanizacyi pa padazreńni ŭ karupcyi. Usiaho abvinavačvańni byli pradjaŭlenyja 14 byłym i dziejučym futbolnym čynoŭnikam.
Pa dadzienych Ministerstva justycyi ZŠA, za 24 hady jany atrymali chabaru na sumu kala 150 młn dalaraŭ. Błater na kanhresie arhanizacyi 29 maja byŭ pieraabrany na čarhovy termin, adnak praz čatyry dni abviaściŭ pra sychod u adstaŭku na fonie karupcyjnych skandałaŭ.
