U Minsku rabotnik MNS vyratavaŭ žyćcio dziaŭčynie pa darozie na pracu. Pra heta paviedamiŭ pres-sakratar Ministerstva pa nadzvyčajnych situacyjach Biełarusi Vital Navicki.
Ranicaj 21 śniežnia staršy lejtenant unutranaj słužby Dźmitryj Paŭluščyk išoŭ da miesca słužby. Pierachodziačy darohu pa piešachodnym pierachodzie na Ihumienskim trakcie, vyratavalnik zaŭvažyŭ dziaŭčynu, što zhubiła prytomnaść, jana ŭpała na prajeznuju častku i jaje byŭ prystup mocnych sutarhaŭ.
Vyratavalnik padniaŭ paciarpiełuju z prajeznaj častki, adnios na tratuar, pakłaŭ na łaŭku i vyklikaŭ chutkuju. Zatym akazaŭ pieršuju dapamohu, zabiaśpiečyŭšy prachodnaść dychalnych šlachoŭ, padtrymlivaŭ stan da prybyćcia miedykaŭ, jakim zatym pieradaŭ dziaŭčynu. U dalejšym reanimacyjnyja dziejańni pravodzilisia ŭ aŭtamabili. Sa słoŭ daktaroŭ, svoječasova akazanaja pieršaja dapamoha dazvoliła vyratavać žyćcio.
Z 2011 hoda Dźmitryj Paŭluščyk pracuje ŭ Respublikanskim atradzie śpiecyjalnaha pryznačeńnia MNS. Zaraz zajmaje pasadu inśpiektara hrupy mižnarodnaha supracoŭnictva.
