Minskaje mietro ŭ navahodniuju noč začynicca ŭ 4.15, paviedamili ŭ pres-słužbie staličnaha mietrapalitena.
U suviazi z praviadzieńniem u stalicy kaladnych i navahodnich mierapryjemstvaŭ hrafik pracy staličnaha mietrapalitena niekalki źmienicca. Tak, 25—27 śniežnia ruch ciahnikoŭ pa abiedźviuch linijach mietrapalitena arhanizujuć pavodle hrafiku niadzielnaha dnia. Pa hrafikach piatničnych dzion buduć chadzić ciahniki 31 śniežnia.
U navahodniuju noč pracu mietrapalitena płanujecca praciahnuć da 04:15. A hetaj hadzinie začyniacca i stancyi.
Razam z tym, stancyi «Niamiha», «Frunzienskaja» i «Kastryčnickaja» zakryjuć na ŭvachod krychu paźniej (u 4.25 ranicy). Paśla 22.00 i da 4.00 intervał pamiž ciahnikami składzie 6,5-7 chvilin.
Ranicaj 1 studzienia mietrapaliten pačnie pracu jak zvyčajna, u 5.30. Z 1 pa 3 studzienia ruch budzie arhanizavany zhodna z hrafikam niadzielnych dzion. Pavodle takoha ž hrafiku ciahniki buduć chadzić z 7 pa 10 studzienia.
U vypadku mahčymaha pavieličeńnia pasažyrapatoku ŭ mietro praduhledžany adpaviedny rezierv pa abiedźviuch linijach dla apieratyŭnaha padłučeńnia da pieravozak.
