Zakazčyk (zabudoŭščyk) budzie abaviazany pieradać hramadzianinu kančatkovy raźlik koštu žyłoha pamiaškańnia na praciahu 25 kalandarnych dzion paśla pryjomki žyłoha doma ŭ ekspłuatacyju. Heta praduhledžana pastanovaj Savieta ministraŭ № 1079 ad 22 śniežnia, paviedamiła ŭ paniadziełak pres-słužba ŭrada.
Dakumient vyznačaje paradak zabieśpiačeńnia ŭmoŭ dla zasialeńnia ŭ šmatkvaternyja novabudoŭli ŭ miesiačny termin z dnia zaćviardžeńnia akta pryjomki doma. U pryvatnaści, zakazčyk (zabudoŭščyk) za 45 kalandarnych dzion da pryjomki doma ŭ ekspłuatacyju pavinien budzie zaklučyć z terytaryjalnaj arhanizacyjaj pa dziaržrehistracyi dahavor na vykanańnie rabot pa techničnaj invientaryzacyi doma.
Arhanizacyja zabudoŭščykaŭ, tavarystva ŭłaśnikaŭ abo zacikaŭlenaja asoba pavinna budzie padavać zajavu ŭ miascovy vykanaŭčy i rasparadčy orhan ab vydzialeńni ziamielnaha ŭčastka dla ŭtrymańnia i absłuhoŭvańnia doma na praciahu dvuch pracoŭnych dzion paśla atrymańnia techpašparta.
Elektrahazavykarystalnyja ŭstanoŭki i ciepłaŭstanoŭki ŭviedzienaha ŭ ekspłuatacyju doma pavinny buduć padklučacca da raźmierkavalnych sietak u dziesiacidzionny termin.
Pastanova nabyła moc 27 śniežnia, za vyklučeńniem padpunkta, jaki tyčycca pytańniaŭ u halinie elektrazabieśpiačeńnia i nabyvaje moc 1 lutaha 2016 hod
