Danieła ŭ Minsku, 12 studzienia 2016 h, fota Siarhieja Hudzilina
Paŭdniovy cykłon «Ema» znoŭ pryniasie ŭ Biełaruś śniehapady, viecier i aranžavy ŭzrovień niebiaśpieki pa ŭsioj krainie.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 16 studzienia, nadvorje ŭ Biełarusi nadvorje budzie vyznačać cykłon, jaki źmiaščajecca z Karpat na paŭdniovy ŭschod Biełarusi. Na bolšaj častcy terytoryi krainy praciahły śnieh, mokry śnieh, zavirucha, na darohach śniežnyja zanosy.
Nočču pa paŭdniovym zachadzie, ranicaj i dniom u mnohich rajonach mocny śnieh.
U paŭdniova-ŭschodnich rajonach miescami nalipańnie mokraha śniehu, hałalod. Na asobnych učastkach daroh hałalodzica. Miescami ŭzmacnieńnie vietru paryvami da 15-18 m/s. Tempieratura pavietra minimalnaja nočču -3 -9°S, pa poŭnačy -10 -15°S, pry prajaśnieńniach da -16 -20°S; maksimalnaja dniom -3 -9°S, pa poŭdni 0, -2°S.
U Minsku čakajecca praciahły śnieh, ranicaj i dniom mocny śnieh, miacielica, na darohach śniežnyja zanosy, paryvisty viecier. Tempieratura nočču -6 -8, dniom -3 -5°S.
«Vyšynia śniežnaha pokryva pa krainie i ŭ Minsku vyraście jašče 10—15 sm. Pryčym u stalicy asnoŭnaja masa śniehu vypadzie ŭ pieršaj pałovie dnia. Nahadaju, što ŭ čas «Danieły», ranicaj 12 studzienia z 6 da 9 ranicy vyšynia śniežnaha pokryva pavialičyłasia na 10 sm — i vy pamiatajecie, što Minsk praktyčna staŭ», — raspavioŭ Rabaŭ.
Aranžavy ŭzrovień niebiaśpieki na subotu abvieščany na ŭsioj terytoryi krainy.
Dźmitryj Rabaŭ taksama adznačyŭ, što pa sile «Ema» budzie supastaŭnaja z «Daniełaj», ale značna słabiejšaja «Chaŭjera».
17 studzienia, u niadzielu ŭnačy Biełaruś budzie znachodzicca ŭ tyłavoj častcy cykłona, jaki pieramiaščajecca na Ćviarskuju vobłaść, dniom na terytoryju Biełarusi čakajecca pastupleńnie niaŭstojlivaha chałodnaha pavietra z Bałtyki. Nadvorje budzie ŭžo spakojnym, ale pry hetym ŭzmocniacca marazy.
Nočču pieravažna pa ŭschodniaj pałovie krainy, dniom u asobnych rajonach karotkačasovy śnieh, nočču słabaja zavirucha. Na asobnych učastkach daroh hałalodzica. Tempieratura pavietra minimalnaja nočču -8 -15°S, pry prajaśnieńniach da -20°S, maksimalnaja dniom -6 -13°S.
U pačatku tydnia zachavajecca maroznaje i spakojnaje nadvorje:
18 studzienia, u paniadziełak, u asobnych rajonach nievialiki karotkačasovy śnieh, nočču i ranicaj słaby tuman, šerań. Na asobnych učastkach daroh hałalodzica. Tempieratura pavietra minimalnaja nočču -9 -16°S, pry prajaśnieńniach da -20°S, maksimalnaja dniom -3 -10°S.
