Prezident Małdovy Mikałaj Cimofci pryznačyŭ novym kandydatam na pasadu premjer-ministra Paŭła Filipa — kampramisnaha kandydata, prapanavanaha parłamienckaj bolšaściu ŭ składzie 55 deputataŭ 101-miesnaha parłamienta.
mtic.gov.md
Zhodna z ukazam kiraŭnika małdaŭskaj dziaržavy, padpisanym 15 studzienia ŭviečary, u 15-dzionny termin paśla vyłučeńnia kandydatam na pasadu premjer-ministra Pavieł Filip pavinien paprasić parłamient vykazać votum davieru prahramie dziejnaści i ŭsiamu składu sfarmavanaha im urada.
Pavieł Filip naradziŭsia ŭ 1966 hodzie. Z 2011 hoda i da ciapierašniaha času zajmaŭ pasadu ministra infarmacyjnych technałohij i suviazi Małdovy. U pieryjad z 2001 pa 2008 hod byŭ hiendyrektaram najbujniejšaj u Małdovie kandytarskaj fabryki AT «Bukuryja», a z 2008 hoda da studzienia 2011 hoda ŭznačalvaŭ Kišynioŭski tytuniovy kambinat «Tutun-KTK».
