Smarhonskija pamiežniki zatrymali niaŭdačlivaha zakachanaha rasiejca ŭ troch kiłamietrach ad biełaruska-litoŭskaj miažy. Im akazaŭsia 17-hadovy žychar Novasibirskaj vobłaści.
Ździejśnić pamyłku maładomu čałavieku nie dali miascovyja žychary, jakija pieradali infarmacyju pra nieznajomca, što nakiroŭvaŭsia ŭ bok miažy, pamiežnikam. Chłopiec išoŭ udalečyni ad ažyŭlenych tras i staraŭsia nie nabližacca da punktaŭ propusku. Apieratyŭna ŭ prymiežny rajon nakiravaŭsia pamiežny narad. Maładoha čałavieka zatrymali ŭ rajonie nievialikaha pasiołka Kulešy. Taho, što jon niezakonna źbiraŭsia niezakonna pierajści miažu, chłopiec admaŭlać nie staŭ, ale rastłumačyŭ, što nakiroŭvaŭsia da kachanaj dziaŭčyny, jakaja žyvie ŭ Litvie.
17-hadovaha rasiejca aformili parušalnikam dziaržaŭnaj miažy. Ciapier jon znachodzicca ŭ izalatary časovaha ŭtrymańnia Smarhonskaj pamiežnaj hrupy, paviedamili ŭ Dziaržpahrankamitecie. Usie abstaviny hetaha zdareńnia jašče vyśviatlajucca.
