Navukoŭcy Kalifarnijskaha technałahičnaha instytuta Majkł Braŭn i Kanstancin Batyhin pryviali dokazy isnavańnia hihanckaj płaniety Soniečnaj sistemy, masa jakoj prykładna ŭ 10 razoŭ pieravyšaje masu Ziamli.
Mastackaja vyjava «płaniety Ch»: NASA / JPL-Caltech
Jak adznačajecca ŭ artykule navukoŭcaŭ u vydańni Astronomical Journal, płanieta znachodzicca prykładna ŭ 20 razoŭ dalej ad Ziamli, čym Nieptun, i jaje ŭdałosia vyjavić pry vyvučeńni ruchu małych niabiesnych cieł u dalokim kosmasie.
Jak adznačyŭ Majkł Braŭn, jakoha cytuje časopis Science, u isnavańnie «płaniety Ch» mała chto pavieryć, nie ŭbačyŭšy jaje ŭ teleskop, adnak sučasnaja optyka hetaha dazvolić nie moža.
«Pakul heta tolki hipoteza, adnak patencyjna vielmi mocnaja hipoteza», — skazaŭ jon.
Raniej samaj addalenaj płanietaj Soniečnaj sistemy ličyŭsia Płuton, adnak u 2006 hodzie na asamblei Mižnarodnaha astranamičnaha sajuza było vyrašana pazbavić Płuton statusu płaniety i dać jamu vyznačeńnie «karlikavaj płaniety».