AAT «Hrodna Azot» pačało budaŭničyja pracy na placoŭcy novaha cecha azotnaj kisłaty, paviedamiŭ načalnik słužby pierśpiektyŭnaha raźvićcia akcyjaniernaha tavarystva Aleh Lavonaŭ.
Da realizacyi bujnoha prajekta pa budaŭnictvie novaha cecha azotnaj kisłaty mahutnaściu 1,2 tys. t u sutki z rekanstrukcyjaj dziejučaj vytvorčaści karbamidna-amijačnaj sumiesi «Hrodna Azot» prystupiŭ u kancy 2015 hoda. Na dadzieny momant u adpaviednaści z hrafikam pačalisia budaŭničyja pracy. Hienpadradčykam budaŭnictva vystupaje «Hrodnaprambud». Na placoŭcy demantavanaha raniej staroha cecha amijak-1 robicca vymańnie hruntoŭ, viadziecca ŭstrojstva štučnaha padmurka pad karpusy budavanaha cecha. Zaviaršajecca armavańnie padmurka pad kałonu vonkavaj ustanoŭki azotnaj kisłaty.
Dla prajekta nabyvajecca abstalavańnie z Hiermanii, Čechii, Finlandyi. Pastaŭki jašče ažyćciaŭlajucca, adnak praktyčna ŭvieś bujnahabarytny hruz užo dastaŭleny na budaŭničuju placoŭku. U tym liku nabytaja ŭ Čechii 50-mietrovaja kałona vahoj kala 166 t dla absorbcyi nitroznych hazaŭ vadoj z utvareńniem azotnaj kisłaty.
Prajekt musić być zavieršany ŭ śniežni 2018 hoda. U vyniku jaho realizacyi miarkujecca pavialičyć vytvorčyja mahutnaści pa vypusku vadkich azotnych uhnajeńniaŭ na 60% z 720 tysiač da 1,19 młn t u hod z bolš nizkim sabiekoštam, što zabiaśpiečyć pavyšeńnie kankurentazdolnaści pradpryjemstva.
Paśla ŭvodu ŭ ekspłuatacyju novaha cecha dziejučaja z 1963 hoda vytvorčaść azotnaj kisłaty i vadkich azotnych uhnajeńniaŭ budzie zakansiervavanaja abo demantavanaja. Pry hetym praviedzienaja acenka ŭździejańnia na navakolnaje asiarodździe da i paśla budaŭnictva novaha cecha pakazała, što vałavyja vykidy ŭ atmaśfieru škodnych rečyvaŭ pamienšacca.
Ahulny košt prajekta aceńvajecca ŭ $200 młn.
