U Biełarusi ŭdakładniena pracedura pryvatyzacyi žyłych pamiaškańniaŭ dziaržaŭnaha žyllovaha fondu. Heta praduhledžana ŭkazam №25 «Ab uniasieńni źmianieńniaŭ va ŭkazy prezidenta Respubliki Biełaruś», jaki 25 studzienia padpisaŭ Alaksandr Łukašenka.
Termin pryvatyzacyi žyłych pamiaškańniaŭ hramadzianami vyznačany da 1 lipienia 2016 hoda.
U ciapierašni čas u krainie nie pryvatyzavana kala 8% abjektaŭ dziaržaŭnaha žyllovaha fondu, jakija padlahajuć pryvatyzacyi. U asnoŭnym heta kvatery i damy, z acenačnym koštam jakich hramadzianie nie zhodnyja, niahledziačy na praviadzieńnie ŭ vyznačynym zakanadaŭstvam paradku raźliku hetaha koštu i adsutnaść padstaŭ dla praviadzieńnia niezaležnaj acenki rynkavaha koštu.
U metach ŭrehulavańnia hetych pytańniaŭ i zabieśpiačeńnia zaviaršeńnia pryvatyzacyi žyłych pamiaškańniaŭ u terminy, vyznačanyja kiraŭnikom dziaržavy,
ukazam praduhledžvajecca pradastaŭleńnie hramadzianinu mahčymaści samastojna źviarnucca ŭ arhanizacyju, jakaja ažyćciaŭlaje acenačnuju dziejnaść, za praviadzieńniem za svoj košt niezaležnaj acenki rynkavaha koštu pryvatyzavanaha žyłoha pamiaškańnia.
Praduhledžana padaŭžeńnie terminu ažyćciaŭleńnia administracyjnaj pracedury pa pryvatyzacyi žyłoha pamiaškańnia ŭ vypadku praviadzieńnia takoj acenki na adzin miesiac (da dvuch miesiacaŭ); pryvatyzacyja žyłoha pamiaškańnia pa najmienšym košcie (rynkavym abo acenačnym).
Akramia taho, praduhledžvajecca vyklučeńnie z koštu pryvatyzavanaha žylla dakumientalna paćvierdžanych vydatkaŭ hramadzianina na apłatu pasłuh pa praviadzieńni niezaležnaj acenki rynkavaha koštu žyłoha pamiaškańnia (u vypadku pryvatyzacyi žyłoha pamiaškańnia pa rynkavym košcie) i pakryćcio hetych vydatkaŭ u biudžet arhanizacyjaj — bałansaŭtrymalnikam nazvanaha pamiaškańnia.
Ukaz zaklikany spraścić praceduru vyznačeńnia realnaha koštu pryvatyzavanych hramadzianami žyłych pamiaškańniaŭ i źnizić vydatki miascovych biudžetaŭ na hetyja mety. Dakumient ustupaje ŭ siłu paśla jaho aficyjnaha apublikavańnia.