Vialiki post sioleta maje asablivaje značeńnie, bo heta Jubilejny hod Božaj Miłasernaści, havorycca ŭ zvarocie Mitrapalita Minska-Mahiloŭskaj archidyjacezii Rymska-katalickaj carkvy arcybiskupa Tadevuša Kandrusieviča na aficyjnym sajcie RKC u Biełarusi.
«Trahiedyja sučasnaha čałavieka ŭ tym, što jon straciŭ pačućcio hrachu i praŭdu ab Božaj miłasernaści. I pieršaje, i druhoje vielmi niebiaśpiečna, bo nie dazvalaje sustrecca z azdaraŭlenčym boskim miłasernym daravańniem. Adzin kaža, što nie maje hrachu, i tamu jamu nie treba źviartacca, druhi — što tak šmat zhrašyŭ, što jamu ŭžo nichto nie zmoža dapamahčy. Na samaj spravie heta zusim nie tak. Usim nam nieabchodna ŭśviadomić, što my hrešnyja, i davierycca biaźmiežnaj Božaj Miłasernaści», — zajaŭlaje mitrapalit.
Jon taksama adznačaje, što nieabchodna adroźnivać hrešnika, jaki razumieje sens hrachu, ad taho, chto nie razumieje ci straciŭ hety sens. «Apošni admaŭlajecca ad nieabchodnaści abaračeńnia i Božaha prabačeńnia, apraŭdvajučy svaje hrešnyja dziejańni tym, što ŭsie tak žyvuć, što ciapier inšyja časy, nie siaredniaviečča i h.d. Taki chryścijanin viadzie padvojnaje žyćcio, što źjaŭlajecca skandałam, jak kaža papa Francišak», — havorycca ŭ zvarocie ijerarcha.
Vialiki post u katalikoŭ sioleta pačynajecca 10 lutaha i budzie doŭžycca da 26 sakavika. Vialikdzień budzie adznačacca 27 sakavika.
