ria.ru
Eks-prezident SSSR Michaił Harbačoŭ paraiŭ kinarežysioru Mikitu Michałkovu zajmacca svaimi spravami i nie leźci ŭ palityku. Tak jon adreahavaŭ na prapanovu režysiora pryznać palityku Michaiła Harbačova i Barysa Jelcyna złačynnaj na dziaržaŭnym uzroŭni.
«Niachaj zajmajecca svajoj spravaj, u jaho zaŭsiody pretenzija takaja: na cara vyjści. Tak nie budzie. Što tyčycca palityki, u jaho vialikija pretenzii i ambicyi, i heta škodzić. U jaho jość svaja śfiera, i jana važnaja, my pavinny šanavać jaho talent, u palityku jamu nie treba załazić», — zajaviŭ Harbačoŭ u efiry «Ruskaj słužby navin».
Raniej u intervju ahienctvu Interfaks Michałkoŭ zajaviŭ, što, na jaho dumku, dziejańni Harbačova i Jelcyna pryviali da razvału krainy, i nazvaŭ raspad SSSR vialikaj hieapalityčnaj katastrofaj.
Kamientujučy hetaje vykazvańnie, Harbačoŭ paraiŭ Michałkovu supakoicca.
«Jamu treba supakoicca. Ja prašu ŭsich pačakać, dać mahčymaść realizavać toje, što nam siońnia dadziena, dadziena zapanavać u siońniašniaje žyćcio, papravić ludziej. Jano pavinna być razvažnym i svabodnym. Treba, kab varjataŭ u nas nie było ni ŭ jakoj śfiery žyćcia i kiravańnia žyćciom», — adznačyŭ eks-prezident Savieckaha Sajuza.
