U Minsku 19 lutaha pačała dziejničać haračaja linija, pryśviečanaja naličeńniu płaty za žyllova-kamunalnyja pasłuhi.
Sajt HA «Minskaja haradskaja žyllovaja haspadarka» paviedamlaje, što haračaja linija budzie pracavać pa 29 lutaha z 10.00 da 18.00. Patelefanavać na jaje možna pa numarach: (017) 200-10-79, (017) 200-76-31.
Akramia taho, 20 lutaha z 9.00 da 12.00 budzie arhanizavanaja pašyranaja pramaja linija pa roznych śfierach pracy ŽKH u stalicy. Atrymać adkazy na kankretnyja pytańni možna budzie, patelefanavaŭšy pa nastupnych telefonach:
(017) 200-19-00 i (017) 200-19-02 — pytańni naličeńnia płaty za žyllova-kamunalnyja pasłuhi i pytańni ekanamičnaha charaktaru;
(017) 200-34-65 — pytańni ŭtrymańnia i ekspłuatacyi žyllovaha fondu;
(017) 200-30-39 — pytańni spravavodstva pa listach, skarhach i zajavach hramadzian, kantrol za ich razhladam, uzajemadziejańnia sa ŚMI;
(017) 200-17-59 — pytańni jurydyčnaha charaktaru.
Nahadajem, z pačatku 2016 hoda ŭ Biełarusi rezka vyraśli taryfy na žyllova-kamunalnyja pasłuhi. Na 33% padaraželi aciapleńnie i haračaje vodazabieśpiačeńnie, ceny na haz i elektryčnaść pavialičylisia prykładna na 20%.
