U Homieli zatrymanyja troje hramadzian Hruzii, jakija niezakonna pazbavili voli rasijanina — žychara Litvy i patrabavali ŭ jaho bujnuju sumu hrošaj. Litoŭski kamiersant byŭ vyzvaleny supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Biełarusi.
Jak paviedamili ŭ 10-m upraŭleńni HUBAZiK, apieracyja pa vyzvaleńni zakładnika prajšła 13 lutaha.
Žychary Hruzii zaklučyli z žycharom Litvy dahavor na pastaŭku draŭniny. U Homieli hruziny pracavali nielehalna. Paźniej žychar Litvy zajaviŭ, što tavar niajakasny, i na hetaj padstavie admoviŭsia vypłacić častku hrošaj za draŭninu. Hramadzianie Hruzii prapanavali rasijaninu pryjechać u Homiel, kab razabracca ŭ nieparazumieńni. Kali kampańjon prybyŭ u abłasny centr, hruziny začynili jaho ŭ kvatery i stali patrabavać hrošy. U paciarpiełaha pry sabie byŭ telefon, jaki jamu ŭdałosia schavać, i jon napisaŭ SMS-paviedamleńnie pryjacielu ŭ Litvu. Toj źviarnuŭsia ŭ homielskuju milicyju, i žychara Litvy vyzvalili supracoŭniki HUBAZiK MUS. U źniavoleńni paciarpieły pravioŭ adnu noč, jaho žyćciu i zdaroŭju zaraz ničoha nie pahražaje.
Raspačataja kryminalnaja sprava pa fakcie niezakonnaha pazbaŭleńnia voli i prymusu da vykanańnia daŭhavych abaviazacielstvaŭ. Hramadzianie Hruzii źmieščanyja ŭ IČU.