Papularyzacyi biełaruskaj movy ŭ Hod kultury budzie nadadzienaja asablivaja ŭvaha, paviedamiła hałoŭny śpiecyjalist upraŭleńnia ŭstanoŭ kultury i narodnaj tvorčaści Ministerstva kultury Biełarusi Ludmiła Lebiedź siońnia na pres-kanfierencyi «Papularyzacyja biełaruskaj movy: sučasnaść i pierśpiektyvy».
Ludmiła Lebiedź adznačyła, što adzin z raździełaŭ płana mierapryjemstvaŭ Hoda kultury ŭ Biełarusi datyčycca pašyreńnia vykarystańnia biełaruskaj movy. Pieršym punktam u hetym raździele stała praviadzieńnie akcyi «Biełaruś, ja lublu ciabie».
Važnym mierapryjemstvam pa papularyzacyi biełaruskaj movy tradycyjna stanie i Dzień biełaruskaha piśmienstva, jaki ŭ biahučym hodzie projdzie ŭ Rahačovie.
Na dumku Ludmiły Lebiedź, treba prytrymlivacca litaraturnych norm, adnak važna zachavać i dyjalekty jak pakazčyk raznastajnaści nacyjanalnaj movy. Papularyzacyi dyjalektnych havorak, u pryvatnaści, sadziejničaje šerah fiestyvalaŭ, što pravodziacca na Paleśsi.
