Kiraŭniki dziaržaŭ i ŭradaŭ Jeŭrapiejskaha savieta na samicie ŭ Brusieli pryniali zaklučny dakumient pa mihracyjnym kryzisie, paviedamlajuć infarmahienctvy.
Staršynia Jeŭrapiejskaha savieta Donald Tusk na pres-kanfierencyi zajaviŭ, što krainy — siabry ES paćvierdzili svaje abaviazacielstvy pa mihracyi pierad Turcyjaj zhodna z sumiesnym płanam dziejańniaŭ. «Naš płan dziejańniaŭ źjaŭlajecca pryjarytetnym. My pavinny zrabić usio mahčymaje dla jaho paśpiachovaj realizacyi», — adznačyŭ kiraŭnik Jeŭrasavieta. «Voś čamu my majem namier arhanizavać śpiecyjalnuju sustreču z Turcyjaj u pačatku sakavika», — paviedamiŭ Tusk.
Sustreča palitykaŭ Jeŭrapiejskaha sajuza z kiraŭnictvam Turcyi pa pytańni mihracyjnaha kryzisu pavinna była adbycca 18 lutaha, ale była admieniena z-za terakta ŭ Ankary.
U svaju čarhu staršynia Jeŭrapiejskaj kamisii Žan-Kłod Junkier adznačyŭ: da samitu byli tyja, chto sumniavaŭsia, što dla vyrašeńnia prablemy biežancaŭ pavinien być uzhodnieny adziny jeŭrapiejski padychod.
«My adnahałosna zajavili minułym viečaram, što demarš pavinien być jeŭrapiejskim i što nacyjanalnyja «soła» nie rekamiendavany», — rastłumačyŭ kiraŭnik Jeŭrakamisii. Junkier vykazaŭ nadzieju, što paśla adabreńnia ŭsimi dziaržavami-členami takoha padychodu na nastupnaj sustrečy ES rušyć napierad da rašeńniaŭ, padrychtavanych miesiacy tamu, pakolki členy Jeŭrasajuza adnahałosna padtrymali miechanizm pierasialeńnia biežancaŭ, choć da hetaj sustrečy ŭ Brusieli niekatoryja davali zrazumieć, što jany ŭchilacca ad takoha rašeńnia.