 |
«Kałarada Evełanš» vyraŭniała lik u seryi z «Minesotaj Uajłd». U čaćviortym matčy «łaviny» pieramahli supiernika vielmi ŭpeŭniena – 5:1.
Nie apošniuju rolu ŭ razhromie «drapiežnikaŭ» syhraŭ i biełarus Rusłan Salej. Spačatku jon addaŭ halavy pas Brunetu pry pieršym uziaćci varot «Minesoty», a na 28-aj chvilinie hulni zrabiŭ lik 4:0. Salej pryznany pieršaj zorkaj matču.
Pry ahulnym liku ŭ seryi 2:2 kamandy znoŭ pierajaždžajuć u Minesotu. Nastupnaja hulnia adbudziecca 17 krasavika. Hetaja seryja ryzykuje zaciahnucca da ŭsich siami matčaŭ.
Zatoje za krok ad vychad u nastupnuju stadyju «Manreal Kanadyjans». Hetaj nočču 24-razovyja pieramožcy Kubku Stenli ź minimalnym likam adužali «Bostan Bruins» – 1:0. Pieramožnuju šajbu za niekalki sekund da syreny na druhi pierapynak zakinuŭ Patrys Brysbua. Lik u seryi – 3:1.
Ciapier kamandy pierajaždžajuć u Kanadu. Užo ŭ nastupnaj sustrečy 17 krasavika «Manreal» zmoža zabiaśpiečyć sabie vychad u 1/4 Kubku Stenli.
***
Inšyja matčy nočy aŭtorka.
«Kałhary» – «San-Chase» – 2:3, lik u seryi 2:2.
«Fiładelfija» – «Vašynhton» – 6:3, lik u seryi 2:1.
«Dałas» – «Anachajm» – 2:4, lik u seryi 2:1.
