U piatnicu 26 lutaha ŭ niaśvižskim kaściole Božaha Cieła ŭ 11 hadzin adbudziecca Imša z nahody 400-j hadaviny śmierci pierakananaha chryścijanina, vojenačalnika i palityčnaha dziejača Vialikaha Kniastva Litoŭskaha Mikałaja Kryštafa Radziviła «Sirotki».
wikimedia.org
Mikałaj Kryštaf pierajšoŭ u katalictva z kalvinizmu, vučyŭsia ŭ Jeŭropie, vajavaŭ — u asnoŭnym suprać Maskovii, byŭ paranieny padčas vyzvaleńnia Połacka ad maskoŭskaj akupacyi. Padtrymaŭ Bieraściejskuju ŭniju.
«Sirotka» fundavaŭ budaŭnictva kaściołaŭ, navučalnych ustanoŭ, ździejśniŭ pilihrymku ŭ Śviatuju Ziamlu, padčas jakoj napisaŭ vielmi cikavy dziońnik. Pa jahonaj inicyjatyvie i za jahony košt była składzienaja pieršaja dakładnaja hieahrafičnaja mapa Vialikaha Kniastva.
Patryjot Vialikaha Kniastva krytykavaŭ Lublinskuju ŭniju z Polščaj, vystupaŭ za viartańnie ŭ skład VKŁ Padlašša, Kijeŭščyny, Vałyni. Byŭ suprać naminacyi svajho brata Juryja na pasadu krakaŭskaha biskupa, kab biskupam u Vilni nie pryznačyli palaka.
