Na sajcie adzinaha dziaržaŭnaha rejestra jurydyčnych asob RF źjaviŭsia zapis ab likvidacyi pa rašeńni suda ruchu aktyvistaŭ «StopCham», jaki zmahaŭsia ź niapravilnaj parkoŭkaj.
U hutarcy z vydańniem Fontanka.ru pradstaŭnik ministerstva justycyi Rasii paćvierdziŭ, što arhanizacyja pazbaŭlenaja statusu jurydyčnaj asoby.
Pa słovach pradstaŭnika miniusta, pry inśpiekcyi ŭ pracy ruchu byli vyjaŭlenyja «nieadnarazovyja hrubyja parušeńni zakanadaŭstva».
Lidar ruchu, člen Hramadskaj pałaty Rasii Dźmitryj Čuhunoŭ u hutarcy z vydańniem skazaŭ, što nie viedaje pra zakryćcio.
Pres-sakratar «StopChama» Dźmitryj Bahłoŭski ŭ hutarcy z «Radyjo Bałtyka» skazaŭ, što aktyvisty buduć praciahvać svaju dziejnaść.
«Našu arhanizacyju nichto nie zakryvaŭ. Ludzi jak byli aktyvistami i vychodzili na vulicu, tak i praciahnuć. My ž prosta vychodzim i robim zaŭvahi za chamstva», — skazaŭ Bahłoŭski.
Za amal šeść hadoŭ svajho isnavańnia ruch «Stop Cham», čyje aktyvisty rasklejvali na łabavyja šyby mašyn nalepki «Mnie plavać na ŭsich — ja parkujusia, dzie chaču», nabyło skandalnuju viadomaść.
Kanał «StopCham» na YouTube užo błakavali; u ciapierašnim vyhladzie jon isnuje z maja 2012 hoda, u jaho bolš za 700 tysiač padpisčykaŭ i bolš za 80 młn prahladaŭ.
