Ujavim, što naša kraina ŭstupiła ŭ ES. Jak by vyhladała Biełaruś na fonie inšych 28 krain sajuza?
Bujnaja jeŭrapiejskaja dziaržava. Na karcie Jeŭropy Biełaruś nie vyhladaje maleńkaj. Dadzienyja pra terytoryi krain ES i Biełarusi, biez zamorskich uładańniaŭ (tys. kv. km.):
1. Francyja — 547
2. Ispanija — 504,8
3. Šviecyja — 447,4
4. Hiermanija — 357
5. Finlandyja — 338,4
6. Polšča — 312,7
7. Italija — 301,3
8. Vialikabrytanija — 243,8
9. Rumynija — 238,4
10. Biełaruś — 207,6
11. Hrecyja — 132.
Kali b niezaležnaja Biełaruś adbyłasia ŭ miežach, paznačanych baćkami-zasnavalnikami BNR, a paźniej i BSSR, to my byli b na 6-m miescy pa płoščy.
Minsk — bujny jeŭrapiejski centr. Choć namahańniami haradskoha načalstva i praz tatalnuju karupcyju ŭ budaŭničaj śfiery, jakaja dazvalaje zabudoŭščykam budavać što zaŭhodna i dzie heta im vyhadna, dla narmalnaha žyćcia biełaruskaja stalica ŭsio mienš prydatnaja.
Nasielnictva najbujniejšych haradoŭ ES i Biełarusi (młn. Žycharoŭ):
1. Łondan — 8,5
2. Bierlin — 3,47
3. Madryd — 3,04
4. Afiny — 3,09
5. Rym — 2,87
6. Paryž — 2,2
7. Minsk — 1,94
8. Bucharest — 1,88
9. Varšava — 1,81
10. Hamburh — 1,72.
Biełaruś — jeŭrapiejski siaredniačok. Pa nasielnictvie naša kraina znachodziłasia b u siaredzinie śpisu krain — siabroŭ ES (młn čałaviek):
1. Hiermanija — 81,2
2. Francyja — 66,2
3. Vialikabrytanija — 63,4
4. Italija — 60,8
5. Ispanija — 47,4
6. Polšča — 38,5
7. Rumynija — 20
8. Niderłandy — 17
9. Bielhija — 11,2
10. Hrecyja — 10,8 / Partuhalija — 10,8
11. Čechija-10,5
12. Vienhryja — 9,85
13. Šviecyja — 9,8
14. Biełaruś — 9,4
15. Aŭstryja — 8,4.
Cikava adznačyć, što kali b u Biełarusi była takaja ž ščylnaść nasielnictva, jak u Niderłandach, to nasielnictva našaj krainy skłała b 85 młn čałaviek!
Pastajannyja našeści na praciahu 17-20 stahodździaŭ nanieśli ciažki demahrafičny ŭron nacyi: biez Patopu, Paŭnočnaj, Napaleonaŭskaj, a potym jašče i dvuch Suśvietnych vojnaŭ na terytoryi sučasnaj Respubliki Biełaruś u ciapierašni čas mahli pražyvać bolš za 58 młn čałaviek.
U vypadku čaho — možam dać pa zubach. Biełaruś maje dosyć šmatlikuju armiju. Choć u paraŭnańni z Hrecyjaj, ź jakoj my supastaŭnyja pa nasielnictvu, naša vojska mienš amal u 3 razy. Samy vysoki pakazčyk kolkaści vajskoŭcaŭ na 1000 čałaviek nasielnictva ŭ ES maje Kipr. A samaj militaryzavanaj dziaržavaj Jeŭropy źjaŭlajecca Vatykan: paradku traciny jaho nasielnictva nosić pahony. Praŭda, nasielnictva taho krychu bolš za 800 čałaviek.
Kolkaść armij, štatnaja (tolki vajenny piersanał, tysiač čałaviek):
1. Francyja — 215
2. Hiermanija — 178
3. Italija — 177
4. Vialikabrytanija — 157
5. Hrecyja — 134
6. Ispanija — 133
7. Polšča — 103
8. Rumynija — 73
9. Biełaruś — 46 / Niderłandy — 46
10. Partuhalija — 39,2.
Ekanamičny karlik. Z ekanomikaj u nas usio nie vielmi. Na žal, bałbatniu čynoŭnikaŭ i kalaaficyjnych «ekśpiertaŭ» ab miascovym ekanamičnym «cudzie» kanviertavać ŭ hrošy pakul nie atrymlivajecca. VUP naminalny (USD młrd):
19. Słavakija — 78
20. Biełaruś — 62
21. Luksiemburh — 50
22. Bałharyja — 44
23. Charvatyja — mienš za 44
24. Słavienija — 38,5
25. Litva — 37,2
26. Łatvija — 24,4
27. Estonija — 20,5
28. Kipr — 17,4
29. Malta — 8,8.
Pra sumnaje. Bałharyja i Charvatyja, jakija majuć bolš ścipłyja VUP, vydatkoŭvajuć na nacyjanalnuju abaronu značna bolš za Biełaruś. Niahledziačy na toje, što ŭvachodziać u NATA. Pry hetym pytańnie «navošta» u Zahrabie i Safii nie staić: dla razumnych ludziej pryčyny vidavočnyja.
Vajennyja biudžety za 2015 (USD młrd):
19. Słavakija — 1,25
20. Vienhryja — 1,04
21. Charvatyja — 0,958
22. Słavienija — 0,79
23. Bałharyja — 0,7
24. Biełaruś — 0,56 (pa fakcie z-za 2-ch devalvacyj, pieršapačatkova było zapłanavana 0,725)
25. Kipr — 0,435
26. Litva — 0,43
27. Estonija — 0,335
28. Łatvija — 0,28 / Luksiemburh — 0,28
29. Malta — 0,043.
