Hrupa chakieraŭ vykłaŭ u sieciva bazu dadzienych, u jakoj, pavodle ich zajavy, utrymlivajucca piersanalnyja dadzienyja 50 młn hramadzian Turcyi, u tym liku asabistyja dadzienyja prezidenta i premjera krainy.
Pa słovach ekśpiertaŭ, kali zajavy chakieraŭ paćvierdziacca, heta budzie samaja bujnaja ŭciečka piersanalnych dadzienych u śviecie.
Publikacyja piersanalnych dadzienych stavić pad pahrozu biaśpieku bolšaj častki nasielnictva Turcyi, ličać jany.
Pavodle aficyjnaj infarmacyi, nasielnictva Turcyi składaje 77,6 miljona čałaviek.
Jakim čynam adbyłasia ŭciečka, pakul niezrazumieła. Jak miarkujecca, metaj napadu chakieraŭ byli kirujučaja elita Turcyi i asabista prezident krainy Redžep Taip Erdahan.
Ahienctva Asašyejted Pres paviedamlaje, što pravieryła 10 identyfikacyjnych numaroŭ tureckich hramadzian z apublikavanaj bazy, ź ich vosiem akazalisia sapraŭdnymi.
