Mienavita taki pošukavy zapyt u internecie źjaŭlajecca samym papularnym siarod kitajcaŭ u dačynieńni da Biełarusi.
Časopis Foreign Policy praanalizavaŭ zapyty kitajcaŭ u pošukavych sistemach dziela taho, kab zrazumieć, što jany dumajuć pra krainy Jeŭropy i Turcyju. Byli vybranyja samyja papularnyja zapyty, u jakich sustrakajecca nazva toj ci inšaj dziaržavy, i adpaviedna z hetym była zroblenaja karta.
Tak, zhodna z hetaj kartaj, papularnym zapytam kitajcaŭ pra Biełaruś źjaŭlajecca «Čamu jana zaviecca Biełaruś?». Što datyčycca inšych krain, to Rasija «lubić vajavać», Litva «suicydalnaja», Polšča «nienavidzić Kitaj», va Ukrainie «pryhožyja žančyny», a ŭ Francyi «vielmi šmat čornych ludziej». Italija pryznana «vielmi słabaj», a Vialikabrytanija, naadvarot, «maleńkaj, ale mocnaj». Da taho ž u Hiermanii «zabivali jaŭrejaŭ», a ŭ Danii «zabivajuć kitoŭ».
Takim čynam, karta źjaŭlajecca adlustravańniem raspaŭsiudžanych siarod kitajcaŭ stereatypaŭ nakont jeŭrapiejskich krain i Turcyi, a taksama ich nasielnictva.
