Pra heta paviedamiła pres-sakratar Biełaruskaha tavarystva palaŭničych i rybałovaŭ (BTPR) Volha Dźmitryjeva.
«Treci hod zapar BTPR pravodzić akcyju «Čysty vadajom». Štohod da nas dałučajecca ŭsio bolš i bolš ludziej, jakija chočuć zrabić bolš čystymi bierahi lubimych rek i vadajomaŭ. U hetym hodzie akcyja budzie pravodzicca ŭ pieryjad z 20 pa 27 krasavika. Dla ŭdziełu zaprašajucca ŭsie žadajučyja», — adznačyła jana.
Volha Dźmitryjeva raskazała, što za čas praviadzieńnia akcyi siłami supracoŭnikaŭ Biełaruskaha tavarystva palaŭničych i rybałovaŭ sumiesna z pradstaŭnikami inšych arhanizacyj i prosta nieabyjakavymi hramadzianami była pryviedziena ŭ paradak bierahavaja linija bolš jak 300 vadajomaŭ i rek. Usiaho ŭ akcyi pryniali ŭdzieł amal 13 tys. čałaviek, sabrana bolš jak 2,3 tys. kubičnych mietraŭ śmiećcia i vyvieziena na palihony ćviordych kamunalnych adchodaŭ.
Aznajomicca ź infarmacyjaj ab miescach praviadzieńnia akcyi možna na aficyjnym sajcie BTPR.
«U pieršuju čarhu mierapryjemstva nakiravana na ekałahičnaje vychavańnie ŭsich słajoŭ nasielnictva, pryciahnieńnie ŭvahi da prablemy zabrudžvańnia vadajomaŭ, pryviadzieńnie ŭ paradak prybiarežnaj zony vadajomaŭ i vadaciokaŭ napiaredadni adkryćcia siezona masavaha aktyŭnaha adpačynku na pryrodzie», — rastłumačyła pres-sakratar.
Pa tradycyi ŭ akcyi štohod udzielničajuć i dziaržinśpiektary achovy žyviolnaha i raślinnaha śvietu. «Supracoŭniki centralnaha aparatu Dziaržinśpiekcyi razam z kiraŭnictvam BTPR siońnia prybirajuć ad śmiećcia prybiarežnuju pałasu Piatrovickaha vadaschovišča, raźmieščanaha za 15 km ad Minska. Niahledziačy na toje, što takaja rabota pravodziłasia tam i ŭ minułym hodzie, prablema zaśmiečanaści vadajoma ź bierahavoj linijaj kala 10 km zastajecca ŭsio jašče aktualnaj», — raskazała pres-sakratar Dziaržaŭnaj inśpiekcyi achovy žyviolnaha i raślinnaha śvietu pry Prezidencie RB Volha Hramovič.
