Reuters.com
Košt červieńskich fjučarsaŭ na naftu paŭnočnamorskaj marki Brent pieraadoleŭ adznaku $45. Apošnim razam daražej nafta kaštavała ŭ pačatku śniežnia minułaha hoda.
Pa stanie na 21:59 baral Brent tarhavaŭsia na adznacy $ 45,65, što na 3,4% pieravyšaje ŭzrovień papiaredniaha zakryćcia tarhoŭ. Heta źjaŭlajecca maksimalnym značeńniem siońniašniaha dnia. Minimalnym značeńniem sierady stała adznaka $ 42,82 za baral.
Rost cenaŭ na naftu nazirajecca na fonie publikacyi statystyki ab zapasach u ZŠA, jakija apynulisia mienšymi, čym čakalisia. U liku pazityŭnych faktaraŭ, jakija ŭpłyvali na rost nafty, ahienctva taksama nazvała strajk rabočych naftavych dziaržkampanij Kuviejta. Pry hetym u noč na sieradu stała viadoma pra jaho zakančeńnie.
Cana WTI na ńju-jorkskaj biržy NYMEX vyrasła na 3,27% da $ 43,86, što źjaŭlajecca maksimumam z kanca listapada. Jak piša Bloomberg, na rost nafty ŭpłyvajuć zajavy asnoŭnych vytvorcaŭ nafty pra hatoŭnaść praciahvać pieramovy ab zamarozcy zdabyčy.
