Reuters.com
Kandydat u prezidenty ZŠA ad Respublikanskaj partyi vyrašyŭ vyjści z prezidenckaj honki. Pra heta paviedamlaje NBC sa spasyłkaj na adnaho z vysokapastaŭlenych kiraŭnikoŭ jaho kampanii. Pra heta ž paviedamlaje telekanał CNN sa spasyłkaj na krynicu, znajomuju z płanami palityka.
Raniej u sieradu Kiejsik admianiŭ svaju pres-kanfierencyju ŭ Viržynii i abviaściŭ, što ŭ čaćvier zrobić zajavu ŭ Kałumbusie, štat Ahajo, adznačaje telekanał.
Rašeńnie prahučała paśla paśla taho, jak na prajmieryz u Indyjanie Kiejsik zaniaŭ treciaje miesca, sastupiŭšy svaim adnapartyjcam Donaldu Trampu i Tedu Kruzu.
Kruz paśla projhryšu Trampu ŭ Indyjanie ŭžo admoviŭsia ad udziełu ŭ prezidenckaj honcy.
«Z samaha pačatku ja kazaŭ, što my budziem zmahacca da taho času, pakul u nas zastajucca šancy na pieramohu. Siońnia ja sa škadavańniem pavinien skazać, što pieramoha faktyčna vyklučana», - zajaviŭ Kruz.
Takim čynam, kali Kiejsik sapraŭdy vyjdzie z prezidenckaj kampanii, u Trampa nie zastaniecca nivodnaha kankurenta siarod respublikancaŭ u baraćbie za vyłučeńnie ŭ prezidenty ad Respublikanskaj partyi.
Paśla pieramohi ŭ Indyjanie Tramp zaručyŭsia padtrymkaj 1047 delehataŭ na partyjnym źjeździe. Dla biezumoŭnaha vyłučeńnia ŭ kandydaty na pasadu prezidenta jamu treba atrymać hałasy 1237 delehataŭ.
Kiejsik na pieršasnych vybarach u Indyjanie atrymaŭ mienš za 10% hałasoŭ. Raniej jon vyjhraŭ tolki ŭ štacie Ahajo, zaručyŭšysia padtrymkaj 153 delehataŭ.
