Pavodle pieršaj acenki abjom biełaruskaha VUP u studzieni—krasaviku 2016 hoda ŭ biahučych cenach skłaŭ 293,1 trłn. rubloŭ, što ŭ supastaŭnych cenach na 3% mienš za ŭzrovień studzienia—krasavika 2015 hoda, paviedamiŭ Nacyjanalny statystyčny kamitet.
Indeks-deflatar VUP u studzieni—krasaviku 2016 hoda ŭ adnosinach da anałahičnaha pieryjadu papiaredniaha hoda skłaŭ 112,9%. Za pieršy kvartał VUP źniziŭsia na 3,6%, za studzień—luty — na 4%, za studzień — na 4,3%.
Aficyjny prahnoz biełaruskich uładaŭ na 2016 hod, zaćvierdžany ŭ śniežni 2015-ha, praduhledžvaŭ rost VUP na 0,3%. Prahnoz byŭ padrychtavany z ulikam taho, što siaredniehadavaja cana nafty, ad jakoj zaležyć ekanamičnaja aktyŭnaść u Rasii i Biełarusi, składzie 50 dołaraŭ za baral. Razam z tym u studzieni 2016-ha cana nafty na suśvietnym rynku rezka źniziłasia, a ciapier składaje mienš za 50 dołaraŭ za baral.
Analityki rasijskaha «Aščadbanka» prahnazujuć, što pa vynikach 2016 hoda VUP Biełarusi źnizicca na 1,5%. Na dumku ekśpiertaŭ, recesiju ŭ krainie abumoŭlivajuć skaračeńnie vytvorčaści ŭ Rasii, nizkija suśvietnyja ceny na naftu i naftapradukty, pasłableńnie biełaruskaha rubla i źnižeńnie spažyvieckaha popytu.
