U Pinskim rajonie kiroŭcy vyratavali ludziej z «Opiela», jaki tanuŭ u mielijaracyjnym kanale, paviedamili va UDAI UUS Bresckaha abłvykankama. Avaryja adbyłasia 21 maja ŭ 14.30 niedaloka ad vioski Bierazcy. Rybaki ź Minskaj vobłaści viartalisia dadomu. Pavodle papiaredniaj infarmacyi, 65-hadovy kiroŭca aŭtamabila «Opiel Astra» niapravilna vybraŭšy chutkaść ruchu, nie daŭ rady kiravańniu aŭtamabila, jaki źjechaŭ u kiuviet i pierakuliŭsia ŭ mielijaracyjny kanał.
Trahiedyi nie adbyłosia dziakujučy inšym udzielnikam darožnaha ruchu, jakija ŭ hety momant prajazdžali mima, — jany skoknuli ŭ vadu, raźbili škło «Opiela» i dapamahli vybracca ŭsim, chto byŭ u aŭtamabili. Praz try hadziny paśla avaryi 50-hadovy pasažyr byŭ špitalizavany ŭ adździaleńnie aniestezijałohii i reanimacyi Pinskaj CB z dyjahnazam «zakrytaja čerapna-mazhavaja traŭma, stan paśla straty prytomnaści».
