 |
Sproba zrabić uježnuju papsu nabyła peŭny plon — pieśni z hetaha dysku možna pačuć na mienskich «efemkach» nia tolki ŭnačy. Hannu ad padobnych biełaruskich kłonaŭ našych uschodnich susiedziaŭ vyłučaje bolš nachabny padychod u prasoŭvańni biez administracyjnaha resursu i nie zaŭždy absalutnaja dubovaść aranžyrovak. Addamo naležnaje aŭtaru piesieńki «Proŝaj» — jon słuchaje hustoŭnuju muzyku. Tym i tłumačycca zapazyčanaść (nazaviem heta tak) meladyčnaha chodu ŭ hitarysta «Deep Purple» Ctyva Morsa — taho samaha naviaźlivaha hitarnaha najhryša ŭ pieśni «Proŝaj», jaki da ŭsiaho paŭtorna pieraasensavany ŭ zahałoŭnym treku.
Niešta kinuŭsia ŭ vočy nadpis na vokładcy pad zdymkam Hanny — sukienka joj pradastaŭlenaja salonam takim‑ta, upryhožańni z kalekcyi takoj‑ta, a dalej jašče: muzyka da słovaŭ pieravažna Alejnikava, a słovy — vyklučna Kubyškina. Budziem mieć spadzieŭ, što hołas choć naležyć samoj śpiavačcy:).
