Dziaržaŭny pahraničny kamitet prapanuje pierajści ad dazvolnaha da zajaŭnaha pryncypu naviedvańnia pahraničnych zon. Biełarusam treba budzie z pašpartam naviedać kamendaturu, zapłacić pošlinu i na miescy vypisać propusk.
Dziaržaŭny pahraničny kamitet prapanuje pierajści ad dazvolnaha da zajaŭnaha pryncypu naviedvańnia pahraničnych zon hramadzianami Biełarusi. Pra heta na pres‑kanferencyi siońnia ŭ Miensku paviedamiŭ staršynia Dziaržaŭnaha pahraničnaha kamitetu Biełarusi Ihar Račkoŭski.
«Na siońniašni dzień propuski ŭ pahraničnuju zonu vydaje MUS, a kantralujuć naviedvańnie pahraničniki. My chočam spraścić paradak naviedvańnia pahranzony našymi hramadzianami», — skazaŭ Ihar Račkoŭski.
Ciapier u prajektach zakonaŭ ab dziaržaŭnaj hranicy i orhanach pahraničnaj słužby, jakija ŭžo ŭniesieny ŭ Pałatu pradstaŭnikoŭ, praduhledžvajecca zajaŭny pryncyp naviedvańnia pahranzony.
Biełaruskim hramadzianam treba budzie z pašpartam naviedać kamendaturu, zapłacić pošlinu i na miescy vypisać propusk. Zamiežnym treba budzie nakiravać zajaŭku ŭ Dziaržpahrankamitet za 10 sutak, rastłumačyŭ staršynia kamitetu.
Na jaho dumku, takaja systema dapamoža paźbiehnuć vialikaj kolkaści biurakratyčnych pracedur.
U ciapierašni čas mnohija eŭrapiejskija dziaržavy, a taksama ZŠA i Kanada admianili praktyku abmiežavańnia dostupu jak dla ŭłasnych hramadzian, tak i inšaziemcaŭ, da dziaržaŭnaj miažy. Vielmi vuzkaja pamiežnaja zona zachoŭvajecca na Kipry, uzdoŭž demarkacyjnaj linii, jakaja padzialaje hreckuju j tureckuju supolnaści vostrava. Isnuje pamiežnaja zona ŭ Finlandyi na miažy z Rasiejaj, jakaja pavodle finskich zakonaŭ moža siahać 4 km ad linii miažy pa vadzie (u Finskaj zatocy heta adpaviadaje rečaisnaści) i da 3 km pa ziamli (na praktycy pamier pamiežnaj zony pa ziamli varjirujecca ad 0,4 da 2,5 km). Praktyka ŭviadzieńnia pamiežnych zon źjaŭlajecca raspaŭsiudžanaj u krainach treciaha śvietu, u pryvatnaści, u Kitai (10 km ad miažy).
